Gazeta Si – Xhaxha dhe nip janë arrestuar në Tiranë pas sherrit me një klient në një lokal në Ndroq, të cilin e dhunuan një ditë më parë.
Policia thotë se janë vënë në pranga S.M., për plagosje të rëndë me dashje dhe H.M., për armëmbajtje pa leje.
Gjithashtu është proceduar penalisht edhe pronari i lokalit pasi ka dëmtuar vendngjarje duke penguar zbulimin e së vërtetës dhe nuk ka kallëzuar krimin.
S.M., së bashku me xhaxhain e tij në një lokal në Ndroq janë konfliktuar me shtetasin P. T., i cili si pasojë e konfliktit është dëmtuar dhe ndodhet në spital, nën kujdesin e mjekëve.
Në vijim të veprimeve, gjatë kontrollit në banesën e shtetasit H. M., u gjetën dhe u sekuestruan një armë zjarri pushkë, 2 krehëra arme zjarri pistolete dhe sasi e konsiderueshme municioni luftarak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
