.png)
Gazeta Si – Në ndeshjen e katërt sezonale, Serena Uilliams është thyer me lehtësi nga 19-vjeçarja Radukanu, kampione e Us Open të fundit. Avancojnë edhe Halep, Kejs dhe Kontaveit.
Pritej me shumë interes në Sinsinati sfida mes Ema Radukanu dhe Serena Uilliams. Dikush e quajti ‘nxënësja kundër mësueses’, por është ende shumë herët për këtë. Fitoi britanikja 19-vjeçare, siç ishte parashikuar.
“It was a true honor to share the court with her” –@EmmaRaducanu#CincyTennis pic.twitter.com/qhazjIdBp5
— Western & Southern Open (@CincyTennis) August 17, 2022
Numri 10 në botë dhe në tabelë e dominoi ndeshjen nga fillimi në fund. Ajo e mbylli 6-4, 6-0. Me gjithë respektin për Serenën, që mbush 41 vjeç në shtator dhe që do të tërhiqet nga tenisi pas US Open, lamtumira e saj është shumë më e trishtë se duhej. Një kampione si ajo nuk i meriton këto goditje.
Ishte vetëm ndeshja e 4-t sezonale për Uilliams. Fituesja e 23 Slam-eve fitoi ndeshjen e parë pas më shumë se një viti javën e kaluar, në ‘National Bank Open’ të Torontos. Ajo mundi Nuria Parrizas Diaz në 2 sete dhe më pas u thye nga kampionja olimpike Belinda Bençiç.
Tani, ajo që duhej të ishte paserela finale në Nju Jorkun e saj. Por paraqitja e Serenës ishte larg pritshmërive dhe vjen ky eliminim që në turin e parë.
Në ndeshjet e tjera, Hadad ka çeduar menjëherë. Pas finales së humbur në Toronto, brazilianja është mundur nga Ostapenko 6-4, 6-4. Halep, fituese në Toronto, eliminoi me vështirësi Potapovën, 6-4, 3-6 dhe 6-3. Janë kualifikuar edhe Medison Kejs dhe Kontaveit, kurse Sakari është eliminuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
