Gazeta Si – Një javë pas bllokimit të skafeve dhe gomoneve në det, pronarët dhe administratorët e mjeteve lundruese kanë protestuar në Tiranë para Drejtorisë së Policisë.
Pronarët thonë se nuk ka asnjë arsye për bllokimin e mjeteve duke qenë se me mjetet e tyre nuk është shënuar asnjë incident.
Sipas pronarëve një penalizim i tillë në mes të sezonit i dëmton mjaft financiarisht.
Prej datës 2 gusht me aksidentin tragjik të Potamit, ku humbi jetën Jonada Avdia 7 vjeç, të gjitha mjetet ujore janë bllokuar në të gjithë vijën bregdetare.
Protesta për bllokimin e tyre ka pasur dhe nga nga pronarët dhe administratorët në Vlorë, Shkodër, Velipojë, Durrës e Sarandë.
Pas tragjedisë në Potam, policia ka bllokuar me qindra mjete lundruese për verifikim dhe kontroll të dokumentcionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
