Gazeta Si – Një fëmijë 10 vjeç nga Polonia ka rënë aksidentalisht nga ballkoni i një hoteli. Ngjarja ka ndodhur në Shkëmbin e Kavajës në Durrës pak para mesnatës së të dielës, aty ku i mituri bashkë me familjen ndodhen me pushime.
Mësohet se fëmija ka rënë nga kati i tretë i hotelit dhe ndodhet në gjendje të rëndë në spital.
“Rreth orës 22:50, te Shkëmbi i Kavajës, Durrës, dyshohet se aksidentalisht ka rënë nga ballkoni i katit të tretë të një hoteli, një 10 vjeçar, polak, i cili ndodhet në gjendje të rëndë në spital”, thuhet në njoftimin e policisë.
Grupi hetimor ndodhet në vendngjarje dhe po punon për sqarimin e rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
