Gazeta Si – Një grabitje me dhunë ka ndodhur mëngjesin e të shtunës në fshatin Brataj në Selenicë të Vlorës.
Një grua ka denoncuar në polici se ajo dhe bashkëshorti i saj janë kanosur dhe dhunuar nga në person i cili ka marrë edhe një shumë parash më pas.
Policia thotë se në datë 16.07.2022, rreth orës 10:00, shtetasja Y. F., ka njoftuar në Sallën Operative se në fshatin Brataj, Selenicë, një shtetas ende i paidentifikuar, ka kanosur atë dhe bashkëshortin duke hyrë me dhunë në banesën e tyre dhe u ka vjedhur një shumë parash, e më pas është larguar.
Në qershor të këtij viti, dy të moshuar u lidhën dhe plaçkitën në shtëpinë e tyre gjatë orëve të natës nga persona të panjohur në Vermosh.
Pre e grabitjes ranë Tom Tinaj me bashkëshorten e tij, të cilët e kishin banesën në qendër të fshatit turistik.
Agresorët, të cilët nuk janë identifikuar, dyshohet se morën një shumë prej 30 mijë eurosh, makinën e çiftit dhe sende të tjera me vlerë.
Mri Tinaj u transportua në Spitalin Rajonal të Shkodrës për shkak të plagëve të marra në trup si pasojë e goditjeve me sende të forta.
‘Kemi qëndruar për rreth një orë e gjysëm të lidhur dhe unë kam ecur duke u zvarritur deri sa kam shkuar në kuzhinë. Aty kam marrë një thike dhe jam liruar. Kam njoftuar komshinjtë dhe me pas edhe policinë”, – tregoi ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
