Gazeta Si – Pas 6 ditësh betejë nga ajri dhe toka me flakët në një terren të vështirë, shuhet zjarri në malin e Çikës në Vlorë.
Falë ndërhyrjes të dy avionëve të ardhur nga Greqia prej disa ditësh, flakët u izoluan dhe situata duket në kontroll.
Sipas burimeve, si rrjedhojë e lagështisë dhe vesës së mëngjesit të kësaj të shtune, vatrat e zjarrit janë shuar.
Ndërsa në zonë ka disa trungje të cilët digjen në brendësi të tyre, të cilat përbëjnë rrezik për riaktivizim e zjarrit sërish.
Situata paraqitet në kontroll, teksa për zonën janë vendosur vëzhgues në çdo rast rreziku.
Flakët kishin avancuar drejt zonës së Dhërmiut dhe Palasës, duke vënë në rrezik shtëpitë e banorëve dhe pushuesit.
Një ditë më parë, u ngjitën në zonën lindore 100 anëtarë të Forcave të Armatosura të ushtrisë, duke mbështetur punën e avionëve grekë nga ajri.
Deri tani raportohet për 90 hektarë pyje me bredha e shkurre të djegura në një vijë 500 metra nga zona mbi fshatin Palasë në afërsi të majës së malit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
