Gazeta Si – Një 28-vjeçare. M.Gj., në Tiranë është arrestuar për shitje të mallrave kontrabandë, pasi akuzohet se në rrjetet sociale reklamonte dhe shiste radio policie.
Gjatë kontrollit të ushtruar në një automjet për shërbime postare, shërbimet e policisë gjetën dhe sekuestruan një pako, brenda së cilës kishte 15 radio marrëse-dhënëse si ato të policisë, të dyshuara të kontrabanduara.
Kjo pako ishte dërguar nga 28-vjeçarja M.Gj., e cila i reklamonte dhe i shiste këto radio që dyshohet se janë futur kontrabandë, në një faqe online, dhe dërgesat i bënte nga shërbime postare.
15 radiot marrëse-dhënëse u sekuestruan, ndërsa 28-vjeçarja akuzohet për tregtim dhe transport i mallrave kontrabandë, kontrabandë me mallra të tjera dhe fshehje e të ardhurave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
