Gazeta Si – Një vatër zjarri e rënë dy ditë më parë në malin e Çikës në Vlorë, vijon të jetë ende aktive.
Këtë të martë flakët, të ndihmuara edhe nga era, kanë djegur rreth 5 hektarë shkurre e barishte.
Zjarri po përparon në drejtim të Llogarasë, ndonëse është larg thonë autoritetet.
Megjithatë, po krijohet një grup për të mbajtur në kontroll flakët që mund të shkojnë në drejtim të Parkut Kombëtar.
Kohët e fundit, për shkak edhe të rritjes së temperaturave të lartë, por edhe veprimeve të qëllimshme nga dora e njeriut, janë regjistruar dhjetëra zjarre të përmasave të vogla në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
