Gazeta Si – Një prej personave që ranë në pus teksa po e pastronin në fshatin Lofkënd në Mallakastër ka ndërruar jetë në spital mesditën e sotme.
Burime bëjnë me dije se ai u nxor me shenja jete nga pusi pas ndërhyrjes së zjarrfikëses bashkë me personin tjetër, por ka ndërruar jetë në spital.
Ata u rrëzuan në një pus uji, pasi kishin hyrë për ta pastruar. Ngjarja ka ndodhur në fshatin Lofkënd të Mallakastrës rreth orës 11:40.
Policia thotë se ata janë B.B., 33 vjeç dhe B.V., 38 vjeç. Në vendngjarje shkuan menjëherë forcat zjarrfikëse dhe policia, duke bërë të mundur nxjerrjen e tyre nga pusi.
Të dy u nxorrën me shenja jete dhe u transportuan në spital për ndihmë mjekësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
