Gazeta Si – Një 85-vjeçar ka humbur jetën pasditen e kësaj të mërkure në Lushnjë, pasi është mbytur nga djali i tij, i cili dyshohet se vuan nga probleme mendore.
Viktima është Dhimitër Stasa, ndërsa autori i dyshuar i krimit, Andrea Stasa 58 vjeç, u arrestua nga policia, pasi kishte tentuar të largohej.
Ngjarja ka ndodhur në fshatin Remas të Divjakës në Lushnjë, ndërsa policia thotë se i moshuari është gjetur i pajetë dhe me shenja dhune.
Mësohet se ata janë zënë me njëri-tjetrin për motive të dobëta dhe pas debatit, djali e ka goditur babain me grushte dhe e ka mbytur me duar.
Sipas informacioneve nga banorët, ai ka qenë i dënuar në Itali dhe para pak kohësh ka dalë nga burgu.
Sipas informacioneve, i biri dyshohet se është me probleme të shëndetit mendor. Në banesë jetonte babai me dy djemtë, ndërsa edhe djali tjetër është me probleme të shëndetit mendor.
Autori 58-vjeçar është shoqëruar në Komisariatin e Policisë Divjakë dhe po punohet për zbardhjen e rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
