Gazeta Si – Me rritjen ekstreme të temperaturave në vend, ka nisur dhe “sezoni” i zjarreve. Por ka edhe raste kur zjarret vendosen në mënyrë të qëllimshme nga persona të papërgjegjshëm.
Një vatër aktive zjarri është raportuar mesditën e kësaj të marte në fshatin Panaja të Vlorës.
Sipas burimeve paraprake, zjarri dyshohet të jetë i qëllimshëm. Si pasojë e flakëve, po digjen fusha në fshat të cilat janë pranë vreshtave.
Edhe në Krastë të Krujës, një sipërfaqe e madhe me pyje e shkurre është përfshirë nga flakët.
Zjarri sipas zjarrfikësve që ndodhen në vendngjarje është i qëllimshëm, pasi janë disa vatra. Zjarri deri tani ka shkrumbuar mbi 10 hektarë pyje dhe vijon të avancojë duke u përhapur me shpejtësi.
Dy grupe të forcave zjarrfikëse te Krujës janë në terren, duke u përpjekur të lokalizojnë flakët.
Shuarja e flakëve mbetet mjaft e vështire për shkak të terrenit dhe mungesës së rrugës për ndërhyrjen e mjeteve zjarrfikëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
