Gazeta Si – Moti i keq me stuhi ere dhe shiu, që përfshiu gjatë mbrëmjes së të hënës Sarandën i ka marrë jetën një djali 22 vjeç.
Burime bëjnë të ditur se i riu Armando Kazma, i cili mbeti i plagosur nga tenda mbrojtëse e një kalçetoje e cila u rrëzua për shkak të motit të keq, nuk ka mundur t’i mbijetojë plagëve të marra.
Ngjarja e rëndë ndodhi rreth orës 20:50, në vendin e quajtur “Ura e Gajdarit. 22-vjeçari Armando Kazma u dërgua me urgjencë në spital, ku dhe ndërroi jetë pak kohë më pas.
Saranda është përfshirë nga shiu i rrëmbyer gjatë orëve të mbrëmjes dhe si pasojë e shiut dhe erës, në Ksamil ka ndërprerje të energjisë elektrike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
