Gazeta Si – Një 42-vjeçar është arrestuar në Tiranë të premten, pasi një ditë më parë plagosi me kaçavidë dy persona.
Sipas policisë, ngjarja ka ndodhur në ambientet e një lokali në rrugën “Kostandin Kristoforidhi” në Tiranë, ku gjatë një konflikti për motive të dobëta, i arrestuari me inicialet P.B., ka goditur me kaçavidë, shtetasit M.Th. dhe R.Ll., të cilët ndodhen jashtë rrezikut për jetën.
Në përfundim të veprimeve u bë arrestimi në flagrancë i shtetasit P.B., për veprat penale “Kanosja”, “Plagosja e rëndë me dashje” dhe “Prodhimi, mbajtja, blerja, apo shitja pa leje e armëve të ftohta”. Materialet i kaluan Prokurorisë, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
