Gazeta Si – Një 34-vjeçar në Tiranë, është prangosur, sepse trafikoi nga Anglia një sasi lënde narkotike prej rreth 1.3 kilogramë kanabis.
Bashkë me të riun, u arrestua edhe një 64-vjeçare, punonjëse në një pikë poste. Droga ka ardhur nga Britania e Madhe përmes postës.
Duke qenë se 64-vjeçarja me iniciale H.F., punonte aty, ka marrë pakon me lëndë narkotike, e cila ishte dërguar në emër të të riut me iniciale A.Gj.
Gjatë kontrollit në banesën e 34-vjeçarit, u sekuestrua një tjetër pako me lëndë të dyshuar narkotike kanabis sativa, me peshë rreth 75 gramë, një shumë parash të dyshuar të përfituar nga kjo veprimtari kriminale dhe sende të tjera të kundërligjshme.
Policia thotë se vijojnë veprimet hetimore për dokumentimin e plotë të kësaj veprimtarie kriminale, identifikimin dhe kapjen e personave të tjerë të përfshirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
