Gazeta Si – Edhe kjo fundjavë ka rezultuar me trafik të rënduar në disa zona bregdetare të vendit.
Që në orët e para të mëngjesit, zona e rrethit të Skelës e deri në Radhimë në Vlorë, ka pasur një trafik të rënduar makinash.
Kjo edhe për faktin se qytetarë të shumtë nga vendi, por jo vetëm, i janë drejtuar jugut të Shqipërisë.
Radhët kilometrike kanë bërë që policia rrugore të gjendet në pikat kyçe ku trafiku rëndohet me qëllim menaxhim dhe lehtësim të trafikut.
Temperaturat e larta dhe qëndrimi në trafik bën që makinat të nxehen dhe për të shkuar në aksin rrugor Vlorë-Radhimë, duhen të paktën 40 minuta.
Ndërkohë radhë të gjata mjetesh ka edhe në aksin Tiranë-Durrës, pasi qytetarë të shumtë në kryeqytet kanë zgjedhur të kalojnë të dielën në Durrës.
Trafik raportohet se ka pasur edhe në zonën e Shëngjinit në Lezhë, ku me dhjetëra automjete kanë qëndruar në radhë në pritje të qarkullimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
