Nga Gazeta Si -Policia ka vënë në pranga një 23-vjeçar pasi është kapur me një sasi kanabis sativa në rrugën “Athinë” në Kamëz.
Në pranga është vënë shtetasi K. D., 23 vjeç, banues në Tiranë, pasi akuzohet për veprën penale “Prodhimi dhe shitja e narkotikëve”.
Gjatë kontrollit fizik, policia i ka gjetur dhe sekuestruar, në cilësinë e provës materiale një sasi lënde të dyshuar narkotike kanabis sativa.
Nga veprimet hetimore të kryera ka rezultuar se ky shtetas, pasi siguronte lëndën narkotike kanabis sativa, e ndante atë në porcione të vogla, të cilat i shiste më pas, në zona të ndryshme të Tiranës.
Ndërkohë, vijon puna për dokumentimin e plotë të veprimtarisë kriminale të kryer nga ky shtetas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
