Gazeta Si – Një 23-vjeçar me iniciale I.A, i cili ishte shpallur në kërkim për kultivim kanabisi, është arrestuar në Durrës.
Policia kishte zbuluar se ai kishte përshtatur një apartament të marrë me qira për kultivimin e bimëve narkotike, me anë të llambave.
Policia shpalli në kërkim 23-vjeçarin, pasi nuk u gjet në apartamentin e përshtatur për kultivimin e bimëve narkotike, te marrë me qira prej tij.
Kjo banesë u shkatërrua nga shërbimet e Policisë të DVP Durrës, më datë 13.12.2021.
Në apartament u gjetën dhe u sekuestruan në ambientet e apartamentit, 2 kg lëndë narkotike cannabis sativa e tharë, e bërë gati për shitje, 110 vazo, në të cilat ishin kultivuar fidanë narkotikë cannabis sativa, 19 llamba dhe pajisje të tjera elektrike, që shërbenin për kultivimin e bimëve narkotike, në ambient të mbyllur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
