Gazeta Si – Një turist 66-vjeçar nga Holanda, është gjetur i pajetë në Sarandë në ballkonin e banesës ku qëndronte.
Policia thotë se J.W., nga të dhënat paraprake dyshohet se ka ndërruar jetë për shkaqe natyrale.
Ka qenë një banore përballë pallatit të holandezit, e cila ka njoftuar policinë pasi e ka dalluar atë teksa ishte i shtrirë në dysheme si dhe qenin e tij, i cili qëndronte mbi trupin e tij.
Pasi shërbimi ambulator, zjarrfikësja dhe policia arritën në vendngjarje, kanë trokitur disa herë në derën e banesës së këtij shtetasi, por nuk është përgjigjur njeri.
Më pas, ata kanë hyrë duke shembur derën dhe kanë gjetur të pajetë turistin 66-vjeçar.
Po ashtu, një 26 vjeçar ka përfunduar në spital në Sarandë, pasi u godit me mjet prerës nga një person me të cilin u konfliktua.
“Më datë 10.06.2022, në Sarandë, gjatë një konflikti për motive të dobëta shtetasi S. S., ka goditur (gërvishur) me mjet prerës shtetasin G. M., 26 vjeç, banues në Sarandë,i cili ka marrë mjekim në spitalin e Sarandës”, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
