.png)
Është djegur gjatë orëve të para të mëngjesit zyra e noterit Aleko Anagnosti, në Sarandë. Persona të paidentifikuar i kanë vendosur zjarrin zyrës në qendër të qytetit.
Anagnosti prej 1 qershorit ndodhet i arrestuar për tjetërsim pronash, me urdhër të Prokurorisë së Sarandës. Dy ditë më parë për Anagnostin Gjykata vendosi “Arrest në burg” me afat 45 ditë.
Ai u arrestua së bashku me drejtorin e Urbanistikës në Bashki Pandi Zhoga dhe juristen e zyrës së hipotekës Rovena Alikaj për tjetërsimin e një sipërfaqe prej 10 mijë metra katrorë tokë duke e ndarë për persona të tjerë.
Policia, në një njoftim paraprak ka njoftuar se si pasojë e zjarrit ka vetëm dëme materiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
