Gazeta Si – Një sasi tritoli ka shpërthyer pas mesnatës së të enjtes në shtëpinë e një punonjësi policie në Shkodër.
Ngjarja ka ndodhur rreth orës 02:25, në fshatin Hot i Ri, Shkodër, pranë murit të banesës së Pëllumb Vukës.
Për pasojë ka vetëm dëme materiale në banesë, si dhe është dëmtuar edhe mjeti i tij tip Benz, i parkuar para banesës.
Efektivi ka qenë i pranishëm në banesë në momentin e shpërthimit bashkë me familjen e tij.
Ai ka mohuar të ketë konflikte me njeri dhe pista kryesore e hetimeve është ajo për shkak të detyrës.
Ky është rasti i katërt brenda pak javësh që oficerët e policisë së Shkodrës bien pre e sulmeve.
Më 20 maj, u vendos tritol në lokalin në pronësi të efektivit Ndrek Rrasa, 46 vjeç.
Konkretisht, më 27 prill u dogj makina e Dritan Turhanit në lagjen “Perash” ndërsa më 14 maj makina e Sokol Kronit në lagjen “Tre Heronjtë”.
Policia nuk kaa arrestuar asnjë të dyshuar deri tani, por duket se këto ngjarje janë mesazhe paralajmëruese për shënjestrat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
