Gazeta Si – Dy ngjarje kriminale janë shënuar brenda pak minutash në Kamëz pas mesnatës së të hënës, të cilat dyshohet se nuk kanë lidhje me njëra-tjetrën.
Një makine tip ‘Audi Q7’ e parkuar në Bulevardin ‘Nënë Tereza’, në Kamëz i është vendosur një sasi lëndë plasëse eksplozive.
Paraprakisht dyshohet vetëm për dëme materiale, ndërsa veç mjetit të parkuar janë dëmtuar edhe xhamat e jashtëm të një dyqani aty pranë. Audi Q7 është në pronësi të Artan Lleshit.
Ky i fundit, nga Puka, jeton kryesisht në Angli dhe vjen rrallëherë në Shqipëri. Dyshohet se ngjarja mund të ketë ndodhur si pasojë e veprimtarisë së tij në Angli dhe konflikteve për mashtrim me shtetas shqiptarë.
Ngjarja ka ndodhur pak pas mesnate. Shpërthimi ka qenë aq i fortë, sa është dëgjuar në një distancë shumë të largët.
Ndërsa në orën 00:20, në rrugën “Skënderbej”, në Kamzë, dyshohet se kanë qëlluar me armë zjarri në drejtim të biznesit (agjensi funerale) të shtetases, E.M., dhe si pasojë ka vetëm dëme materiale, informon policia e Tiranës.
Gruaja është divorcuar nga bashkëshorti rreth një vit e gjysmë më parë dhe ish-bashkëshorti ka hapur përballë saj, po një agjensi funerale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
