Gazeta Si – Dy persona janë arrestuar në Divjakë, si të shpallur në kërkim për veprën penale “Shkatërrimi i pronës me zjarr.”
Fillimisht është vënë në pranga 45-vjeçari B.M, i cili dyshohet se në datën 4 gusht 2021, ka djegur me lëndë djegëse autobusin në pronësi të qytetarit me iniciale S.S.
Për 45-vjeçarin, Gjykata e Shkallës së Parë Lushnjë, me vendimin e datës 12.05.2022, ka caktuar masën e sigurisë “Arrest në burg”, për veprën penale “Shkatërrimi i pronës me zjarr”.
Gjithashtu, është bërë ndalimi i 33-vjeçarit Geri Lushaj, i shpallur në kërkim, pasi më datë 11 maj 2022, Gjykata i ka caktuar masën e sigurisë “Arrest me burg” për veprën penale “Shkatërrimi i pronës me zjarr”.
33-vjeçari në datën 9 mars të këtij viti, në bashkëpunim me 25-vjeçarin me iniciale K.T. (i arrestuar në flagrancë), ka djegur automjetin në pronësi të 57-vjeçarit me inciale J.Gj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
