Gazeta Si – Një person, i cili gjendej në burgun e Drenovës, u dërgua në spitalin e Korçës për ndihmë mjekësore për shkak se kishte konsumuar një sasi ilaçesh.
Por pas kurimit në spital, dyshohet se ai ka vjedhur nga dhoma e mjekimit një bisturi.
Mjeti prerës është kapur gjatë kontrollit nga ana e policisë së burgjeve kur i dënuari është rikthyer.
Ky person mund të jetë i paraburgosur në IEVP Drenovë ose i burgosur i sigurisë së zakonshme, fakt i cili pritet të zbardhet nga hetimet e mëtejshme.
Mësohet se do të procedohet për nenin 324/a të Kodit Penal për futjen e sendeve të paligjshme në institucionet e vuajtjes së dënimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
