Nga Gazeta Si -Policia ka konfirmuar vdekjen e një prej turistëve gjermanë që ranë në humnerë ditën e sotme duke eksploruar zonën e Valbonës. Viktima është shtetasi D. J., 30 vjeç, ku para pak minutash është bërë e mundur nxjerrja e trupit të pajetë të tij.
Bashkë me të ka qenë dhe shtetasja M. S., 29 vjeçe. Kjo e fundit ka mbetur e plagosur dhe po transportohet me helikopter, në spitalin e Bajram Currit.
Dy turistët kanë rënë në humnerë duke u ngjitur në një shkëmb të thepisur me dëborë. Ngjarja ka ndodhur në vendin e quajtur “Qafë Valbonë”.
Grupi hetimor ndodhet në vendngjarje dhe po punon për sqarimin e plotë të rrethanave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
