Gazeta Si – Një plagosje me armë zjarri ka ndodhur sot pasdite në qytetin e Lushnjës, afër stacionit të trenit. I plagosuri është shtetasi Kujtim Meta, 44 vjeç. Ai është transportuar menjëherë për në spitalin e Lushnjës dhe më pas drejt Tiranës.
Në vendngjarje ka shkuar policia, që ka bërë edhe rrethimin e zonës dhe është vënë në kërkikm të autorit të ngjarjes. “Sot, rreth orës 16:15, në afërsi të stacionit të trenit, Lushnjë, në rrethana ende të paqarta është plagosur me armë zjarri shtetasi K. M., 44 vjeç, banues në Lushnjë.
Shërbimet e Policisë dhe grupi hetimor po vijojnë punën intensive për identifikimin e autorit dhe zbardhjen e plotë të ngjarjes. Janë ngritur pika kontrolli në të gjitha hyrje-daljet e qytetit të Lushnjës me qëllim kapjen e autorit”, – shkruhet në njoftimin e policisë.
I plagosuri Kujtim Meta është një shofer kamioni dhe nuk ka precedentë penalë. Ai ishte duke lëvizur vetëm në atë moment dhe dyshohet se nuk ka qenë shënjestra e atentatit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
