Gazeta Si – Një 27-vjeçar me iniciale M.Xh., nga Tirana, i shpallur në kërkim për një ngjarje të ndodhur më 27 mars 2022 në rrethrrotullimin e Saukut, është arrestuar në aksin Gjirokastër-Tepelenë.
I riu, së bashku me 3 persona të tjerë të cilët janë arrestuar më herët, u konfliktuan me njëri-tjetrin pranë rrethrrotullimit të Saukut në kryeqytet, ku mbetën të dëmtuar dy persona me iniciale M.D. dhe S.S. të cilët morën mjekim në spital.
Pasi uniformat blu e konstatuan duke udhëtuar me makinë në aksin nacional Gjirokastër-Tepelenë, i bënë shenjë për të ndaluar në dy pika kontrolli. Por 27-vjeçari nuk e ndaloi mjetin dhe u largua.
Menjëherë policia i është vënë në ndjekje dhe pas disa minutash është arrestuar në Tepelenë.
Pas procedurave, i riu iu dorëzua shërbimeve të Komisariatit Nr. 1 Tiranë. Policia thotë se ai akuzohet për vrasje me dashje e mbetur në tentativë dhe mbajtje pa leje e armëve të ftohta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
