Gazeta Si – Sindikata e Punonjësve të Mbrojtjes nga Zjarri dhe Shpëtimi ka mbajtur këtë të enjte një protestë para Parlamentit, ku kërkon respektimin e kushteve të punës dhe pagimin e orëve shtesë.
Disa punonjës kanë shprehur pakënaqësinë e tyre para mediave edhe për pagën e ulët. “Ne duam vetëm ato që na takojnë nga ligji, asgjë më tepër. Sot ne protestojmë për orët e turnit të natës dhe për pagesën për ditët e fundjavës”, – tha një prej protestuesve.
Një tjetër zjarrëfikës, deklaroi se ata nuk paguahen për orët në turnin e natës dhe se në pagesë, ditët e fundjavës cilësohen si ditë të zakonshme dhe jo siç e ka Kodi i Punës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
