Gazeta Si – Një grup qytetarësh, aktivistë të shoqërisë civile në Shkodër, kanë protestuar mesditën e kësaj të mërkure kundër rritjes së çmimeve të ushqimeve dhe karburantit në veçanti.
Dhjetëra prej tyre e zhvilluan protestën e tyre tek ura e Bahçellëkut, duke bllokuan për disa minuta hyrjen e qytetit.
“Priotesto! Buka, vaji, karburantet janë rritur”, – shkruanin ata në disa kuti kartoni të vendosura në mënyrë simbolike në rrugë duke ndërprerë për disa minuta lëvizjen e makinave.
Shqipëria po përballet me një shtrenjtim të shpejtë të çmimit të ushqimeve dhe karburanteve, si asnjëherë më parë.
Aktualisht një litër naftë ose benzinë shitet me 265 lekë në karburantet e vendit, situatë që duket se do të bllokojë ekonominë nëse vijon kështu.
Më herët, kryeministri Rama u përpoq përmes një potimi në rrjetet sociale, të justifikohet se lufta në Ukrainë ka ndikuar tërësisht në shtrenjtimin e karburanteve dhe ushqimeve.
Ai shkroi se e mirëkupton stresin e madh të kësaj kohe të qytetarëve, por qeveria, thotë Rama ka vendosur një mburojë financiare për familjarët dhe bizneset e vogla. Ai i vë sërish fajin luftës për të cilën thotë se “po i ngre zgupthi çmimet”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
