Gazeta Si – Një 33-vjeçar, Fatjon Marku, është arrestuar nga Policia e Lezhës, pasi ishte shpallur në kërkim për 4 vepra penale: “Prodhimi dhe shitja e narkotikëve”, kryer në formën e grupit të strukturuar kriminal, “Grupi i strukturuar kriminal”, “Armëmbajtja pa leje” dhe “Kundërshtimi i punonjësit të policisë së rendit publik”.
Për këtë, ai ishte dënuar në mungesë me 14 vite burg nga GJKKO për akuzën e trafikut të drogës, ku dyshohet si i përfshirë edhe në ngritjen e laboratorit të drogës në Has në vitin 2018.
Gjatë kontrollit të ushtruar ndaj 33-vjeçarit, policia gjeti dhe sekuestroi një armë të ftohtë (thikë) dhe 1 radio marrëse-dhënëse si ato të policisë.
Marku po udhëtonte me një mjet si pasagjer, por drejtuesi nuk i është bindur urdhrit të policisë për të ndaluar. Pas disa minutash ndjekjeje, policia ka mundur të ndalojë mjetin me dy të dyshuarit. Në përfundim të veprimeve, u procedua penalisht edhe drejtuesi i mjetit, për veprën penale “Moskallëzim krimi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
