Një 54 vjeçar është arrestuar këtë të mërkurë për akuzën e organizimit dhe shkatërrimin e pronës në protestën e 8 janarit në selinë e PD-së të thirrur nga ish-kryeministri Berisha kundër kryedemokratit Basha.
Arrestimi i tij është bërë bazuar në provat e grumbulluara nga policia, e cila dyshon se gjatë protestës, 54-vjeçari ka thyer dyer e dritare të selisë së Partisë Demokratike, duke përdorur mjete të forta.
Personi i arrestuar është identifikuar si Lefter S. dhe ndalimi i tij u bë për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike”, “Pengimi i qarkullimit të mjeteve të transportit”, “Shkatërrimi i pronës” dhe “Prodhimi, mbajtja, blerja apo shitja pa leje e armëve të ftohta”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
