Dy të rinj, me iniciale S.K., 29 vjeç dhe E.Gj., 19 vjeçe, u ndaluan nga policia në Kavajë pasi qarkullonin me automjet jashtë orarit të lejuar. Ishte ora 02:40 kur atyre iu bë shenjë për të ndaluar, por 29-vjeçari, në drejtimin e mjetit nuk iu bind urdhrit dhe u largua.
Më pas, ai u shkëmbye me pasagjeren 19-vjeçare, duke ndërruar vendin dhe i deklaruan policisë se makinën e drejtonte vajza. Por nga verifikimet doli se të dy nuk kishin leje drejtimi për automjetin.
Gjatë kontrollit të automjetit, u gjet edhe lëndë e dyshuar narkotike kokainë me peshë 6.5 gramë dhe sende të tjera që shërbejnë për përdorimin e lëndës narkotike.
Të rinjtë u arrestuan dhe akuzohen për prodhim dhe shitje të narkotikëve, drejtim i automjetit në mënyrë të parregullt dhe mosbindje ndaj urdhrit të punonjësit të policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
