Dy persona, të cilët kishin lidhje familjare, kanë humbur jetën në një aksident të rëndë të shënuar mbrëmjen e kësaj të shtune në rrugen e Tales në Lezhë.
Sipas policisë, një 24-vjeçar i identifikuar si K.M., i cili udhëtonte me makinë, ka humbur kontrollin dhe ka dalë nga rruga. Si pasojë e aksidentit, ka ndërruar jetë i riu dhe pasagjerja me iniciale A.A., 16 vjeçe.
Shpejtësia dhe mungesa e infrastrukturës në rrugë, dyshohet të kenë qenë faktorët që i morën tragjikisht jetën dy të rinjve.
Aksidenti ka qenë i fortë, duke iu shkaktuar plagë të shumta dy të rinjve, të cilët gjetën menjëherë vdekjen në vendin e ngjarjes.
Për nxjerrjen e trupave të viktimave, u desh ndërhyrja e zjarrfikësve për shkak të dëmtimeve të shumta që kishte pësuar makina tip “Peugeot”. Policia ka shkuar në vendngjarje dhe ka nisur hetimet për zbardhjen e aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
