Në një operacion për parandalimin dhe zbardhjen e vjedhjeve të banesave dhe automjeteve policia ka vënë në pranga janë vënë dy persona: K.Q., 23 vjeç, i dënuar më parë, dhe G. B., 19 vjeç, të dy banues në Tiranë.
Arrestimi i dy të rinjve është bërë pasi u kapën në flagrancë duke tentuar të vidhnin një banesë në rrugën “Selaudin Bekteshi”, po ata akuzohen se kanë vjedhur dhe disa banesa të tjera kohët e fundit.
Sipas uniformave blu, dy të arrestuarit studionin vendet dhe banesat që vidhnin dhe vepronin në orët e vona të natës, duke ndërprerë ndriçimin elektrik të rrugës dhe të kamerave në hyrje të banesave.
Në kuadër të këtij operacionit u bë kapja dhe arrestimi i një 33-vjeçari, i cili u kap në flagrancë pasi kishte vjedhur një automjet “BMW”.
Ndërkohë në flagrancë janë arrestuar dhe dy persona të tjerë për veprat penale “Kallëzimi i rremë” dhe “Moskallëzim krimi”. Në pranga kanë rënë: A. K., 47 vjeç, banues në Tiranë dhe F. L., 48 vjeç, banues në Tiranë, të dy të dënuar më parë për vrasje dhe vjedhje.
Sipas policisë së Tiranë 47-vjeçari kishte bërë kallëzim të rremë, se i kishin vjedhur automjetin, i cili u gjet i braktisur në anë të rrugës në Peqin të Elbasanit.
Po nga hetimet ka rezultuar se këta dy persona kishin shkuar për të vjedhur në një banesë në Peqin dhe kur kanë parë policinë, ndërkohë që ishin dhe në shkelje të orës policore, kanë braktisur mjetin me qëllim fshehjen e sendeve të kundërligjshme që kishin në automjet, të cilat do t’i përdornin për të kryer vjedhjen.
Dy të sipërpërmendurit janë me precedentë penal, pasi A. K., në vitin 1997, në bashkëpunim me një person tjetër, ka vrarë me armë zjarri një person në zonën e Laçit dhe për këtë ka kryer 18 vite burgim. Ndërsa 48-vjeçari me iniciale F. L. ka kryer 16 vite burgim në Itali, për vrasje.
Nga hetimet rezulton se këta dy persona, së bashku me një tjetër person që aktualisht ndodhet në Angli, ushtronin veprimtarinë kriminale në fushën e vjedhjes në ltali e Zvicër, në formën e një grupi kriminal
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
