Reshjet e shiut që shkaktuan edhe përmbytje në disa zona të vendit, janë ndërprerë që prej mesditës së të martës. Por veriu dhe juglindja e vendit vijojnë të vuajnë problemet e shkaktuara nga dëbora, kryesisht me ngricat.
Më problematike situata është në Qarkun e Dibrës ku raportohet për një sërë rrugësh problematike dhe fshatrash të bllokuar.
Me vështirësi kalohet në Rrugën e Arbrit, ku policia bën vlerësimin e automjeteve nëse kanë zinxhirë apo gomat e dimrit.
Probleme ka pasur edhe në Pukë. Dëbora preku edhe juglindjen ku në zonat e thella trashësia e dëborës arriti deri në 30 centimetra.
Në disa zona raportohen probleme me energjinë elektrike. Probleme edhe në portet e Durrësit dhe Vlorës ku ka pasur ndryshime të orareve të trageteve.
Sipas ARRSH gjatë natës për të shmangur ngricat është punuar me shpërndarjen e kripës, për të vijuar pa probleme qarkullimi i makinave. Edhe pse me rënien e temperaturave ka prezencë të ngricave, të gjitha akset rrugore janë të kalueshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
