Një 27-vjeçar, i cili prej kohësh ishte shpallur në kërkim është arrestuar në Shkodër. Në një njoftim për mediat policia e këtij qyteti bën me dije se është ndaluar Elis Lekndrejaj.
Për këtë person Gjykata e Shkodrës ka caktuar masën e sigurisë në mungesë “Arrest në burg” për veprat penale “Vrasja me paramendim” e mbetur në tentativë dhe “Armëmbajtja pa leje”.
Ai akuzohet se është si autori i ngjarjes së ndodhur në datën 21 mars të këtij viti, në lagjen “Mark Lula” në Shkodër, ku mbeti i plagosur me armë zjarri Mikel Fusha. Policia në atë kohë njoftoi se ngjarja ndodhi në një lokal, pas një konflikti të çastit.
Tashmë i riu do të dal para gjykatës dhe do të njihet me masën e sigurisë, pasi vendimi kundër tij është dhënë në mungesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
