Një sasi e vogël me eksploziv ka shpërthyer mbrëmjen e të prermtes në një makinë tip “Range Rover” me targa AA 19 YS në zonën e “Komunës së Parisit” në Tiranë.
Ka qenë ora 23:00 kur një shpërthimi i fuqishëm ka tronditur banorët e një prej zonave më të frekuemtuara të kryeqytetit.
Tritoli ishte vendosur në pjesën e pasme të makinës, ndërsa ka qenë e parkuar. Fatmirësisht nuk ka persona të lënduar përveç dëmeve materiale që ka pësuar mjeti. Policia njofton se makina është në pronësi të shtetases me iniciale, R.K.
Në momentin e shpërthimit makina ka qenë e parkuar në një parking mes pallateve pranë kryqëzimit me “Rrugën e Kosovarëve”.
Policia ka nisur hetimet nga sekuestrimi i pamjeve të kamerave të sigurisë së parkingut, por edhe zonës përreth për të shkuar në gjurmët e autorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
