Arrestohet pas 6 muajsh ish-kandidati për deputet i i LSI-së, Elton Joka, i shpallur në kërkim si i akuzuar për korrupsion në zgjedhjet e 25 prillit.
Ai u shpall në kërkim nga policia më 24 prill, një ditë para zgjedhjeve, por 32-vjeçari ishte larguar dhe uniformat blu nuk e gjetën në adresën e banimit.
Më herët, ndaj tij, Gjykata e Posaçme Kundër Korrupsionit dhe Krimit të Organizuar, kishte caktuar në mungesë masën e sigurisë “Arrest në burg”, për veprën penale “Korrupsioni aktiv në zgjedhje”.
Joka është filmuar në një video duke premtuar para për blerjen e votave në Tiranë. Ai u shfaq me zë në një video të publikuar, teksa i jep 100 dollarë një qytetari që ishte angazhuar të mbledhë vota për LSI-në.
Po ashtu, në të njëjtën video, një person me inicialet E.B., vijonte pazaret ku premtonte punësim për qytetarin pas zgjedhjeve.
Në një regjistrim tjetër kandidati i LSI është filmuar teksa i mëson qytetarit që e filmon si të votojë, pasi i ka dhënë paratë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
