Një 65 vjeçar në Lushnjë është plagosur me armë zjarri mëngjesin e kësaj të premte nga vëllai i tij për motive pronësie. Ngjarja ka ndodhur rreth orës 05:00 të mëngjesit pranë banesës së tij në fshatin Ngurrëz e Vogël, ku si pasojë e të shtënave ka mbetur i plagosur shtetasi Faik Veliu.
Policia sqaron se autor i dyshuar i plagosjes, është vëllai i Faik Veliut, Sami Veliu, i cili është arrestuar pak minuta pas ngjarjes.
I plagosuri ka qenë duke u shërbyer bagëtive dhe sapo ka dalë nga dera e kasolles është qëlluar me armë zjarri kallashnikov nga vëllai i tij.
Pas ngjarjes, autori u arratis dhe u fsheh në një shtëpi të braktisur të fshatit. Aty iu gjet edhe arma e krimit tip kallashnikov, një kallëp tritoli bashkë me ndezësin dhe fishekë luftarak.
I plagosur është dërguar fillimisht në spitalin e Lushnjës për marrjen e ndihmës së parë mjekësore dhe më pas është nisur për mjekim të specializuar në spitalin e Traumës në kryeqytet. Sipas informacioneve paraprake, gjendja e tij paraqitet e rëndë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
