Mëngjesin e të shtunës, Kukësi është përfshirë nga reshje të dendura të shiut, duke shkaktuar probleme në disa rrugë të qytetit. Reshjet nisën orët e para të mëngjesit dhe kanë përfshirë të gjithë verilindjen. Mësohet se problematika ka pasur me qarkullimin e mjeteve në akset kryesore, por edhe ato rurale.
Ndërkohë në rrugët e qytetit ka prezencë të madhe uji. Shiu ka sjellë rrëshkitje dherash dhe inertesh në aksin Kukës-Shishtavec dhe Kukës-Peshkopi. Ndërkohë, energjia elektrike është ndërprerë në disa zona.
Po ashtu edhe segmenti rrugor që lidh qytetin e Kukësit me rrugën Kukës-Morinë është në pushtetin e ujërave dhe të dherave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
