Dy të rinj nga Kosova janë grabitur në aksin rrugor Milot-Rrëshen. Ngjarja ka ndodhur mbrëjen e së dielës, ku disa persona të paidentifikuar kanë ndaluar një mjet tip “Audi”, që drejtohej nga M.A., 21 vjeç me pasagjer F.M., 21 vjeç, duke iu marrë makinën dhe më pas janë larguar në drejtim të paditur.
Sipas informacioneve paraprake, autorët e dyshuar kanë qenë gjashtë persona me dy automjete, të cilët fillimisht kanë ndaluar të rinjtë kosovarë.
Nën kërcënimin e armëve të zjarrit, ata i kanë marrë mjetin të zotit pavarësisht nga rezistenca. Viktima ka denoncuar grabitjen në komisariatin e policisë Laç.
Forca të policisë së këtij komisariati janë vënë në ndjekje të grabitësve, por pa mundur që të kapin apo identifikojnë autorët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
