Një automjet është përfshirë nga zjarri në ecje mëngjesin e të mërkurës në Maliq. Burime nga policia bëjnë të ditur se ngjarja ka ndodhur rreth orës 07:20, në fshatin Vloçisht.
Automjeti ka marrë flakë, kur sapo ishte furnizuar me gaz në një pikë karburanti. Për pasojë kanë pësuar djegie, drejtuesi dhe pasagjeri të cilët u dërguan për mjekim në Spitalin e Korçës.
Sapo ka dalë në rrugë nga kjo pikë karburanti, mjeti është përfshirë nga flakët, duke shkaktuar panik te drejtuesi dhe pasagjeri. Drejtuesi i mjetit i përfshirë nga flakët ka humbur kontrollin e mjetit duke përfunduar në kanal në anë të rrugës.
Menjëherë, në vendin e ngjarjes kanë mbërritur forcat zjarrfikëse, duke shuar flakë në automjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
