Hyrjet dhe daljet nga Shqipëria në Kosovë nëpërmjet pikës kufitarë të Morinës janë normalizuar sot paradite. udhëtarëve u duhet disa minuta për të kaluar kufirin sipas Ministrisë së Brendshme të Kosovës.
Mbrëmjen e 31 gushtit, radha e pritjes së shtetasve nga Kosova për të lënë Shqipërinë në Morinë raportohej deri në 10 km. Në përfundim të sezonit veror, qeveria e Kosovës vendosi masa anti-Covid për çdo qytetar që do të hyjë në territorin e saj, dukë përfshirë dëshminë e vaksinës apo një tampon me përgjigje negative.
Vendim që ishte i papritur edhe për qytetarët eKosovës, sidomos për ata që po shijonin pushimet në Shqipëri apo në ndonjë vend tjetër dhe i gjeti ata të papërgatitur, duke krijuar një radhë kilometrike që në komentet në rrjete sociale është emëruar si “radhët e ferrit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
