Në Vlorë, policia ka finalizuar operacionin “Bastrova”, duke arrestuar dy persona që akuzohen për kultivim të lëndë narkotike.
Gjatë operacionit, policia ka përdorur dron për lokalizimin e vendndodhjes së tyre, duke i kapur të dyshuarit në fushat me kanabis që kishin kultivuar. Parcela më kanabis u zbulua nga agjentët e antidrogës në terren në fshatin Bastrovë, ku janë asgjësuar rreth 160 kg bimë narkotike.
Ndërkohë, janë sekuestruar, një sasi lënde narkotike kanabis, 4 armë zjarri, municion luftarak, 3 radiomarrëse, 3 aparate celular dhe 2 mjete.
Në pranga kanë rënë: Augest Lame, 28 vjeç, banues në fshatin Bestrovë dhe Detjan Selimaj, 35 vjeç, banues në fshatin Drashovicë, Vlorë.
Këta shtetas dyshohen se në bashkëpunim me njëri-tjetrin, kanë kultivuar bimë të dyshuara cannabis sativa, në një sipërfaqe toke në vendin e quajtur “Çeplazet”, në fshatin Bestrovë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
