Policia Rrugore ka ushtruar përgjatë këtyre 5 netëve kontrolle në hyrje dhe dalje të Tiranës, ku ka konstatuar disa raste shkelje të rregullave të qarkullimit.
Policia bën me dije se janë monitoruar me radar konkretisht akset në Vorë, tek Tegu, Bërzhitë dhe në Ibë ku janë konstatuar mjete që lëvizin me shpejtësi deri në 155 km/h si dhe drejtues mjetesh që abuzojnë me shpejtësinë dhe alkoolin në timon.
Policia thotë se nga monitorimi me dragera gjatë 5 netëve janë konstatuar 68 drejtues mjetesh nën ndikimin e alkoolit që varionte nga 0.07 mg/l deri në 0.27 mg/l si dhe 45 drejtues mjetesh në masën nga 0.32mg/l deri në 0.45 mg/l.
Po gjatë kontrolleve janë arrestuar në kushtet e flagrancës 12 drejtues mjetesh, nga të cilët 8 për drejtim mjeti në gjendje të dehur dhe 4 për drejtim mjeti pa leje drejtimi.
Ndër të tjera, Policia e Shtetit apelon për të gjithë drejtuesit e automjeteve të respektojnë me rigorozitet rregullat e qarkullimit rrugor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
