.png)
Gjykata e Apelit të Posaçëm ka lënë në fuqi vendimin për sekuestrimin e automjetit të prokurorit të Vlorës, Maksim Sota. Mjeti i tij u sekuestrua me urdhër të SPAK, pasi dyshohet se i është blerë prokurorit nga persona që merren me trafik droge.
Sota akuzohet për veprën penale të "shpërdorimit të detyrës". Ndërkohë që Prokuroria e Posaçme është duke kryer hetime për anëtarët e tjerë të grupit.
Operacioni u ndërmor në orët e para të mëngjesit të 2 korrikut 2021, me ekzekutimin e 28 arrestimeve mes Shqipërisë, Italisë dhe Malit të Zi.
Mes të ndaluarve është dhe prokurori Maksim Sota dhe Ilirjan Balla, shef i trafiqeve në Drejtorinë e Përgjithshme të Policisë.
Ndaj tyre rëndon akuza e “Shpërdorim detyre” Për zbulimin e rrjetit të organizuar nga zyrtarë të policisë por dhe nga prokurorë ka shërbyer dëshmia e 4 bashkëpunëtorëve të drejtësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
