.png)
"Kemi treguar më shumë se një herë se nuk jemi një skuadër që vetëm mbrohet, por edhe që shënon, madje edhe ndaj skuadrave të mëdha si Franca, së cilës i shënuam tre gola. Jemi besnikë të lojës sonë, pastaj çdo gjë mund të ndodhë ndaj një skuadre të nivelit të lartë. Kjo është ajo që e pamë qartë ndaj Francës”.
Xherdan Shaqiri, regjisori i Zvicrës, e ka komentuar kështu sfidën e 2 korrikut ndaj Spanjës, që luhet në Shën Pietërburg. Ai ka besim të plotë në potencialin sulmues të skuadrës zvicerane dhe në një kualifikim të mundshëm për në gjysmëfinale. "Jam krenar për ndeshjen që bëra ndaj Francës dhe do të përpiqem të bëj maksimumin edhe ndaj Spanjës. Nëse nuk shënoj, apo nëse nuk jap një asist, nuk do të thotë se kam bërë një ndeshje të keqe”, - ka shtuar më tej lojtari i Liverpulit.
Shaqiri do të jetë shqiptari i vetëm në fushë për Zvicrën ndaj Spanjës. Kapiteni Granit Xhaka mungon për shkak kartonësh, një minus i madh ky për trajnerin Vladimir Petkoviç. Gjithsesi, Zvicra do të përpiqet të tregojë se kualifikimi ndaj Francës nuk ishte reastësi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
