.png)
Nuk është një çështje racizmi, mund të ishte një gjest bonsensi. Para ndeshjes së 1/8-ve kundër Austrisë, futbollistët e Italisë nuk do të ulen në gjunjë për t’u solidarizuar me lëvizjen “Black Lives Matter” kundër diskriminimit. Ata do të qëndrojnë në këmbë, pavarësisht presionit politik që u bë një ditë pas sfidës me Uellsin, ku vetëm 5 lojtarë, - Toloi, Pesina, Emerson, Bernardeski dhe Beloti, - vendosën të uleshin në gjunjë.
Vendimi është marrë nga grupi i lojtarëve, ndoshta për të evituar atë deformim. Situata do të shpjegohet në konferencë shtypi nga Leonardo Bonuçi. Çfarë do të thotë mbrojtësi italian? Me shumë mundësi ai do të shpjegojë se nuk e konsideron gjestin e uljes në gjunjë të nevojshëm për luftën kundër racizmit.
Sidoqoftë, deri tani asnjë nga dy skuadrat nuk ka kërkuar autorizimin e nevojshëm nga arbitrat. Sipas të gjitha gjasave, as Austria dhe as Italia nuk do të gjunjëzohen para ndeshjes që do të luajnë mes tyre në “Wembley”, ku do të diskutojnë kalimin në çerekfinale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
