.png)
Pas koreve raciste ndaj Mbape dhe Benzema gjatë ndeshjes Hungari-Francë, kapiteni i Holandës, Xheorxhino Uijnaldum, ka mbajtur qëndrim të qartë për këtë çështje. Ai ka paralajmëruar se do të marrë vendime ekstreme, nëse ndodh edhe në ndeshjen e 1/8-ve të Euro 2020 ndaj Çekisë, që luhet ditën e diel në stadiumin e Budapestit.
"Mendoj se UEFA duhet të na mbrojë dhe në raste të tilla duhet të ndërhyjë ndoshta edhe duke ndalur ndeshjen. Kjo përgjegjësi nuk u takon futbollistëve. Personalisht, nuk e përjashtoj mundësinë e braktisjes së fushës, nëse të dielën do të ketë kore raciste. Uroj që ky gjest i imi të mos jetë i nevojshëm në atë ndeshje”, - ka thënë Uijnaldum.
“Nuk jam sulmuar asnjëherë me kore raciste nga publiku, por kam pyetur veten se çfarë do të bëj, nëse do të më ndodhë, - ka vazhduar mesfushori. – Nuk e kam provuar kurrë atë ndjenjë dhe shpresoj të mos e provoj”. Uijnaldum, ashtu si dhe gjermani Nojer, do të mbajë një shirit kapiteni pro komunitetit LGBT në ndeshjen e radhës.
“Në ato momente duhet t’i afrohesh arbitrit me shokët e skuadrës dhe të marrësh një vendim. Në fillim mendoja se nuk duhet dalë nga fusha, tani mendoj ndryshe”, - ka përfunduar futbollisti holandez, nga më të mirët për skuadrën e tij në ndeshjet në grup.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
