Defibrilator kardiak për Eriksen, e ardhmja si futbollist është një rebus

11:57 - 17 Qershor 2021

“Pas ekzaminimesh të shumta në zemër, është vendosur që Eriksenit t’i vendoset një ICD (një defibrilator kardiak). Ai e ka pranuar këtë vendim”, – shkruhet në një komunikatë të fundit të Federatës Daneze të Futbollit. Ky është vendimi i mjekëve të skuadrës dhe atyre të “Righospitalet”, ku futbollisti është i shtruar ende.

Në komunikatë nuk flitet për diagnozën, federata nuk saktëson se cili është shkaku i aritmisë kardiake, edhe pse gjithçka lë të kuptohet se bëhet fjalë për një miokardit. Çfarë ndodh tani? Pas 3-4 javësh Eriksen do të vizitohet sërish për të kuptuar, nëse defibrilatori do të jetë i përkohshëm, apo i përhershëm.

Seneste status på Christian Eriksen. pic.twitter.com/x8Cn8HIhFj
— DBU – En Del Af Noget Større (@DBUfodbold) June 17, 2021

Ka futbollistë të ndryshëm që luajnë me një impiant të ngjashëm të instaluar në trup, holandezi Blind është shembulli më i njohur. Por në Itali kjo gjë nuk është e mundur, prandaj dhe do të jenë thelbësore kontrollet e tjera pas disa javësh. Eriksen është mirë tani, ndërsa e ardhmja si futbollist është ende një rebus.

Danezi ka marrë ndërkohë mesazhe mbështetje nga presidenti i UEFA-s Ceferin, drejtues dhe futbollistë skuadrash që marrin pjesë në Europian. Sot, gjatë ndeshjes Danimarkë-Belgjikë, loja do të ndalet në minutën e 10-të për të nderuar mesfushorin e Interit.

Jan Vertonghen, Hugo Lloris, Milan Skriniar og mange flere sender hilsner til Christian Eriksen. 🇩🇰

UEFA har lavet denne fantastiske video til Christian Eriksen med hilsner fra de 23 øvrige lande til EM, dommergruppen og UEFA's præsident. En meget fin gestus!#EURO2020 pic.twitter.com/duTSgfsKQ2
— DBU – En Del Af Noget Større (@DBUfodbold) June 17, 2021

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.