.png)
Nga raporti i fundit i Moneyval, mekanizëm i KE-së kundër pastrimit të parave, Shqipëria nuk paraqet zhvillim në luftën kundër pastrimit të parave.
Krahasuar me vitin 2018 kur u publikua raporti i fundit për pastrimin e parave në Shqipëri, përmirësimi nuk është i dukshëm.
Raporti analizon një për një të gjitha pikat dhe tregon se si ka qenë ecuria e tyre.
Nuk ka përmirësim të pikës 25, ku ishte kërkuar pavarësi e biznesit nga administratorët. Ishte kërkuar të kërkohej llogari për statuset dhe transaksionet e një administratori kur hyn në marrëdhënie biznesi. Marrja e informacionit nga autoritetet mbi administratorët dhe të dhënat që ata posedojnë.
As pika 26 nuk ka përmirësim ku bëhet fjalë për rregullimin e marrëdhënies së biznesit me aksionerët dhe administratorët. Përmendet dhe mungesa e vlerësimit nga Banka e Shqipërisë mbi paratë e pista dhe luftës kundër terrorizmit.
Autoritetet shqiptare kanë bërë të ditur se një pjesë e kërkesave që ishin parashikuar edhe për vlerësime nëpër subjekte nuk kanë realizuar për shkak të situatës së COVID-19.
Pika 28 është gjithashtu e paplotësuar ku bëhet fjalë për lidhjen kriminale dhe kazinotë. Nuk ka ndryshime për licencimin e kumarit online.
Pika 15, mbi mallrat digjitalë. Shqipërisë i mungojnë të dhënat për mallrat digjital dhe rrezikun e tyre, ndonëse nuk ka asnjë të licencuar.
Moneyval thekson se Shqipëria do të vazhdojë të mbetet në monitorim dhe të vëzhgohet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
